Ракометната репрезентација на Франција со 25:23 ја совлада Данска во финалето на олимпискиот турнир во Токио. Ова воедно значи симнување од олимпискиот трон на Данска и враќање на истиот на Франција бидејќи „триколорите“ на последните четири ОИ слават по трет пат.

Финалето помеѓу Данска и Франција го судеа најдобрите македонски судии Ѓорѓи Начевски и Славе Николов и одлично си ја завршија работата. 

Французите подобро го започнаа натпреварот и по воведните израмнети минути, ја презедоа иницијативата и поведоа со 9:6. Данците намалија на 9:8, но тоа беше се што сторија во првиот дел кој заврши со предност од четири гола за „триколорите“ од 14:10.

Во вториот дел, предноста на Французите се зголеми и на шест гола (18:12), но Данците не се откажаа, и предводени од Хансен дојдоа на само еден гол негатива (22:21). Данците имаа напад за израмнување, но Жерар го одбрани ударот на Гидсел. Потоа Женти му одбрани пенал на Хансен при водство на Франција од 23:21. Во последните две минути, Данците намалија на 24:23 и во последната минута имаа напад за израмнување но погрешија и Фабрегас погоди во празната мрежа на спротивната страна за 25:23 и златен медал за Франција.

Недим Ремили со пет гола беше најефикасен кај Франција, додека во редовите на Данска вообичаено прво име беше Микел Хансен со девет гола.