ФОТО | Венчаница и бидермаер со школки: По тридневната свадбена прослава Марија Груевска се подготвува за меден месец
Пред две недели поранешната финалистка на „Ѕвездите на Гранд“ Марија Груевска се заколна на вечна љубов и го изговори судбоносното „да“ пред својот долгогодишен партнер Синиша Стојаноски.
View this post on Instagram
Марија за својот најсреќен ден заблеска во венчаница во која за момент не потсети на дизниевата принцеза – Ариел. Корсетот на венчаницата беше креиран во форма на школки со многу карактеристичен дезен збогатен со бисерни монистри. Класичниот бидермаер кој вообичаено е креиран од свежо цвеќе пејачката го замени со уникатен бидермаер креиран од кристали, школки и морски ѕвезди.
View this post on Instagram
Марија и Синиша ја славеле својата љубов цели три дена. На свадбената прослава присуствувале околу 600 гости, а притоа се испочитувале и дел од традиционалните свадбени обичаи.
Пејачката за во изјава за српските медиуми сподели дел од впечатоците по големата свадбена прослава:
„Впечатоците се уште не се комплетни бидејќи се подготвуваме за меден месец. Со сето тоа, кај нас сè уште доаѓаат гости, оние кои не успеаја на денот на свадбата, за жал. Во суштина ништо не е сменето, освен што сега сум нечија легална сопруга. Генерално, најголем впечаток ми оставија колегите и пријателите, без кои прославата немаше да биде толку совршена, но и самата свадбена декорација, бидејќи се беше на отворено и во природа. Немавме ограничувања, славевме до сабајле. Почнавме во петокот, дремнавме малку и продолживме до недела“, изјавила Марија за „Гранд онлајн“.
Според обичајот, по венчавката следи меден месец, а дестинацијата за првото свадбено патување заедно ја избрале младенците.
„Се договоривме прво да одиме во Грција и да ги искористиме последните денови од летото, а потоа на почетокот на септември да одиме во Германија. Сигурна сум дека ќе уживаме и дека ќе ни биде вистински одмор после нашата луда и незаборавна свадба“, открила Марија.
„Огромна благодарност до сите што му бевте голема и неизмерна поддршка на овој ден. Ви благодарам што направивте да се чувствувам како да сум во бајка“, напиша пејачката објавувајќи неколку фотографии од свадбената фотосесија на која може да се забележи уникатниот бидермаер.
Марија Груевска го привлече вниманието на јавноста со своите необични изведби во натпреварот „Ѕвездите на Гранд“, од кои највпечатлив беше кога на сцената се појави со змија околу вратот.
ВИДЕО: Марија од Битола со досега невиден настап – по змијата, на сцена излезе во лудачка кошула