Македонската учесничката во шоуто „Ѕвездите на Гранд“, Марија Груевска (23) привлекува големо внимание со своите настапи и со причина ја носи титулата најестравагантна учесничка.

Со смели комбинации и до детаљ осмислени настапи, Марија од Битола не престанува да ги изненадува гледачите и жирито. Претходно ги шокираше сите кога на сцената се појави со змија, а со последниот настап ги надмина сите очекувања откако се појави со сценски перформанс за песната „Данас сам луда“. Имено таа беше облечена во лудачка кошула, врзана и на сцена ја изнесоа двајца помошници од продукцијата, кои потоа ѝ помогнаа да „замине“ од сцената.

– Груевска, начинот на кој размислуваш е фасцинантен. Твоите пејачки интервали се толку точни, одлично го изведе ова – ѝ рече Ѓорѓе Давид.

–Ти си иднината на Ѕвездите на Гранд, ти благодарам на новата димензија на ова шоу – истакна Мили.

Останатите членови на жирито истакнаа дека таа секогаш предизвикува силна реакција со своите настапи што е многу важно, поважно и од тоа дали ќе биде сфатена нејзината порака или изведба.