Мохамед Хадид, таткото на светски познатата манекенка Џиџи Хадид, ги насмеа своите следбеници откако по грешка објави фотографија генерирана од вештачка интелигенција (AI), мислејќи дека на неа е Џиџи на овогодишната Мет Гала. Гордиот татко сакал да ја сподели убавината на својата ќерка, но меѓу бројните лажни фотографии кои кружат на интернет, тој ја одбрал токму онаа создадена од вештачка интелигенција.

Обожавателите веднаш забележале дека жената на фотографијата воопшто не наликува на Џиџи и почнаа да го преплавуваат со коментари дека е жртва на технологијата. Следбениците пишуваа дека ситуацијата ги насмеала до солзи и дека е неверојатно како вештачката интелигенција успеала да го измами дури и таткото на манекенката.

По низата добронамерни шеги, Мохамед Хадид ја отстрани објавата од својот профил.

Како всушност изгледаше вистинската Џиџи Хадид?

За разлика од АИ верзијата, вистинската Џиџи Хадид на Мет Гала се појави во храбро и впечатливо издание. Таа носеше целосно проѕирен фустан од брендот „Miu Miu“, украсен со кристали и везови од пламен и цвеќиња во златни, сребрени и црни тонови.