Пејачката Дуа Липа склучи граѓански брак со актерот Калум Тарнер, додека наскоро се очекува голема свадбена прослава која, како што пишуваат британските медиуми, ќе се случи во Сицилија.

Двојката официјално се венча на граѓанска церемонија во лондонската општина Олд Мерилебон во неделата, 31 мај. Излегувајќи на скалите на општината под дожд од конфети, поп-ѕвездата носела костум од високата мода на „Скијапарели“ направен по нарачка, што го дизајнирал Даниел Роузбери: палто во боја на слонова коска со тесна половина и остро кроена силуета, прицврстено со персонализирани златни копчиња, и соодветно асиметрично здолниште со извајан корсет украсен со бела чипка. Таа, исто така, носела бели ракавици и чевли од Кристијан Лубутен со детали во облик на лавовски очи, блескава огрлица во облик на змија од „Булгари“ и шешир со широк обод дизајниран од Стивен Џонс, обложен со златни листови, пишува „Вог“.

 

View this post on Instagram

 

A post shared by Vogue Australia (@vogueaustralia)

Веднаш по објавувањето на фотографиите од венчавката, сите почнаа да зборуваат за необичното модно издание на Дуа Липа на денот на венчавката – додека младоженецот носел костум, кошула и вратоврска од „Луј Витон“, Дуа Липа изгледала речиси идентично како модната икона Бјанка Џагер, која го носела незаборавниот костум од Ив Сен Лоран кога се омажила за Мик Џагер во 1971 година.

 

View this post on Instagram

 

A post shared by Sky (@vanitycoke)

Впечатливиот стил на Дуа Липа на венчавката потсетува на невестата Бјанка Џагер. Пред речиси 55 години, Бјанка – тогаш Бјанка Перез-Мора Масијас – се омажи за ѕвездата на групата „Ролинг стоунс“, Мик Џагер, на венчавка во Сен Тропе на 12 мај 1971 година. Припадничката на високото општество Бјанка се одлучила за кремасто палто од „Ив Сен Лоран Л смокинг“ и долго здолниште со закосен крој, во комбинација со широк шешир и превез, а стилот го надополнила со чевли со отворени прсти. Бјанка палтото го носела без блуза со едно закопчано копче. Нејзиниот изглед влезе во историјата на венчавките, пишува магазинот „Вог“.

 

View this post on Instagram

 

A post shared by High Fashion TV (@highfashiontv)

ФОТО+ВИДЕО | Дуа Липа стана глобална амбасадорка на „Булгари“

ФОТО+ВИДЕО | Дуа Липа стана глобална амбасадорка на „Булгари“

ВИДЕО | Папараци ги прогонуваа Дуа Липа и Калум Тарнер во Париз: „Ова е навистина непријатно и исцрпувачки“