Викторија Бекам симболично на Инстаграм му се заблагодари на своето семејство за поддршката по најновата модна ревија на Париската модна недела, позирајќи со сопругот Дејвид и децата, додека нивниот најстар син Бруклин и неговата сопруга Никола повторно не беа присутни.

На социјалните мрежи таа сподели фотографија на која се гледаат Дејвид, како и нивните синови Ромео и Круз, како и ќерката Харпер. На фотографијата е и девојката на Круз, Џеки, а Викторија нагласи колку ѝ значи нивната поддршка.

„Ви благодарам што секогаш сте тука да ме поддржите. Ве сакам многу“, напиша модната дизајнерка.

Дејвид Бекам исто така го пофали успехот на својата сопруга, истакнувајќи дека семејството е гордо на нејзината работа и на успесите што ги постигнува со секоја нова колекција.

Овој јавен приказ на семејна поддршка доаѓа по претходните тензии во семејството. Нивниот најстар син Бруклин Пелц Бекам во јануари ги обвини родителите дека се обидуваат да му го нарушат односот и дека не ја почитуваат неговата сопруга Никола Пелц Бекам.

Бруклин наводно го прекинал контактот со родителите, како и со браќата и сестрата, а не одговорил ни на честитките за својот роденден.

Неговата сопруга неодамна се најде во непријатна ситуација кога новинар ја праша за семејната расправија. Таа не сакала да зборува на таа тема, па разговорот го пренасочила кон својот нов филм.

Гордон Ремзи му порача на Бруклин Бекам: „Еден ден ќе ги немаш мајка ти и татко ти“