ФОТО | Пријателство кое не бледее: Средбата на ѕвездите од „Хари Потер“ на Бродвеј ја воодушеви публиката
Актерите Том Фелтон и Даниел Редклиф беа заедно на Бродвеј, 24 години по премиерата на првиот филм од франшизата за волшебникот Хари Потер. Фелтон (38), кој го играше негативецот Драко Малфој во сите осум филмови, на Инстаграм сподели фотографии на кои го гушка Редклиф (36) по изведбата на претставата „Every Brilliant Thing“.
Препорачано
Фелтон за „Пипл“ изјави дека Редклиф го поддржувал додека тој дебитирал на Бродвеј:
„Мојот стар школски пријател, Потер, Редклиф, доста настапуваше на Бродвеј и ми помагаше со сите тешкотии. Фановите се навистина љубезни и возбудени, и едноставно сум воодушевен што сум дел од тоа“.
Редклиф, кој го играше насловниот лик во сите осум филмови од 2001 до 2011 година, дебитирал на Бродвеј во 2008 со обновената верзија на „Еквиус“, а потоа настапуваше во „Како да успеете во бизнисот без навистина да се трудите“ (2011), и многу други.
Во 2023 година настапи во обновената верзија на мјузиклот „Весело се тркаламе напред“ со Џонатан Гроф и Линдзи Мендез, за што доби награда Тони за најдобар актер во мјузиклот.
