Пејачката Ноне Неделковска, која јавноста ја запозна како една од највпечатливите учеснички во втората сезона на музичкото шоу „Музички идол“ за Србија, Црна Гора и Македонија, повторно го привлече вниманието на своите следбеници, овојпат со фотографија од нејзиниот живот на море.

Ноне, која неодамна го прослави својот 39-ти роденден, со години успешно гради поинаква кариера од онаа на музичката сцена. Таа работи на крузери и постојано патува низ светот, споделувајќи дел од своите авантури со фановите на социјалните мрежи.

На својата инстаграм-приказна таа објави фотографија облечена во униформа како дел од екипажот на бродот. Насмеана и во работна атмосфера, Ноне кратко напиша:

„Пред бурата“, алудирајќи на предизвиците што ги носи животот на отворено море.

Иако музиката ѝ донесе популарност и второ место во „Музички идол“, Ноне очигледно ужива во динамичниот живот што ѝ го нуди работата на брод. Нејзините објави редовно предизвикуваат позитивни реакции, а многумина ѝ порачуваат дека изгледа среќно и исполнето.