Криси Тајген и Џон Леџенд го добија своето четврто дете преку сурогат-мајка, а среќната вест ја сподели преку емотивна објава на нејзиниот Инстаграм профил.

Бебето се родило на 19 јуни, а парот му го дал името Рен Александар Стивенс, во чест на сурогат-мајката, чие име е Александра.

Раѓањето на Рен доаѓа само неколку месеци откако Криси и нејзиниот сопруг го добија своето трето заедничко дете, ќерката Ести. Тие исто така се родители на седумгодишната Луна и четиригодишниот син Мајлс.

Среќниот  момент во нивниот живот, се случува речиси две години откако таа и Џон го загубија синот Џек, во дваесеттата недела од нејзината бременост. Тогаш, таа откри дека за жал била приморана да има абортус, за да го спаси сопствениот живот.

Во својата долга објава, покрај фотографиите, Криси го опишува целиот процес на сурогат-мајчинството, го спомнува нејзиниот покоен син Џек, а на Александра ѝ се заблагодарува за ова несекојдневно доживување.

ФОТО | „Града која виси и виолетови лузни“: Криси Тајген целосно гола со новороденчето во када