ФОТО: Горјан Славески е носител на европската титула од УБФ
Денеска Агенцијата за млади и спорт објави дека директорот Наумче Мојсовски имаше средба со македонскиот борец Горјан Славески на кој треба да се гордееме.
Славески е инаку носител на европската титула од УБФ (Универзална Боксерска Федерација) и беше гостин во Агенцијата за млади и спорт.
Исто така минатата година во Германија победи и во супер средна категорија до 76 килограми.
– Имаме со што да се гордееме. Честитки за досегашните успеси и победи. Му посакуваме уште многу успешни борби и настапи во многу држави како боксер, како и во BKFC борбите (Bare Knuckle Fighting Championship) – информираат од АМС.
Минатиот месец во првата рунда триумфираше со нокаут против Џастон Стилс, борба која беше одржана во Флорида, САД.
Тоа беше инаку втора борба за Славески за БКФЦ, и втора победа по ред, првата ја запиша против Русинот Рамал Аманов во април годинава.