Актерката Ен Хатавеј и нејзиниот сопруг Адам Шулман, ретко се појавуваат заедно во јавноста, но овој пат направија исклучок појавувајќи се на настан во Њујорк по повод презентацијата на колекцијата „Круз“ 2027 на модната куќа „Луј Витон“ во музејот „Фрик колекшн“.

Хатавеј привлече внимание со елегантно модно издание во сиво-бел фустан, со чевли на високи потпетици и чанта „Луј Витон“, додека нејзиниот сопруг избра многу порелаксиран, лежерен стил.

Ѕвездата дополнително го надополни своето елегантно издание со луксузен накит од колекцијата „Серпенти“ на брендот „Булгари“, чија вкупна вредност е речиси 50.000 долари.

Според „Инстајл“, таа носела ѓердан од 18-каратно злато со мотив на змија и дијаманти во вредност од повеќе од 27.600 долари, обетки вредни околу 5.650 евра и нараквица чија цена е приближно 13.700 евра.

Додека, Шулман носеше едноставна комбинација од бело сако, бела маичка, светли фармерки и црни патики, што предизвика бројни коментари на социјалните мрежи за контрастот на нивните стилови.

ФОТО+ВИДЕО | Објавен трејлерот за „Ѓаволот носи Прада 2“: Мерил Стрип и Ен Хатавеј се враќаат во светот на високата мода