Џенифер Анистон дискретно му даде поддршка на својот поранешен сопруг Џастин Теру, откако тој стана татко за првпат.

Актерот и неговата сопруга Никол Брајдон Блум објавија дека на 18 април добиле син. Среќната вест ја споделија на Инстаграм, заедно со црно-бела фотографија на која Теру го држи новороденчето во прегратка.

„Тој е тука. Вљубени сме во него“, напишаа тие во описот.

Анистон реагираше со „допаѓање“ на објавата, покажувајќи дека и покрај разводот, меѓу нив и натаму постојат добри односи.

Анистон и Теру се запознаа во 2007 година, а нивната врска започна подоцна, по повторната средба на снимањето на филмот „Желба за патување“ (Wanderlust). Се свршија во 2012 година, а се венчаа во 2015 година на приватна церемонија. Разводот го објавија во 2018 година, но останаа блиски пријатели. И по разделбата, тие редовно одржуваат контакт и јавно си упатуваат честитки за родендени.

Теру и Блум се свршија во 2024 година, а се венчаа една година подоцна. Кон крајот на 2025 година беше потврдено дека го очекуваат своето прво дете.

Во меѓувреме, Анистон е во врска со Џим Кертис, со кого започна да се гледа во 2025 година.

Во едно интервју во 2024 година, Теру изјави дека Анистон и понатаму му е „многу драга“, што дополнително ја потврдува нивната блиска и пријателска релација и по разводот.

ФОТО | Поранешниот сопруг на Џенифер Анистон стана татко, доби син со новата партнерка