Братот на принцезата Дијана не ја губи вербата во љубовта. Тој зад себе има три неуспешни брака, а сега се ожени со жена со која ја дели „страста кон животот“.

Чарлс Спенсер (61), брат на принцезата Дијана, повторно се ожени. На приватна церемонија во Аризона, тој повторно се заколна на вечна љубов, што е негов четврти брак.

Овој пат, неговата избраничка е археологот и водителка на поткаст, 43-годишната Кет Џарман, со која е во врска од есента 2024 година.

 

View this post on Instagram

 

A post shared by Charles Spencer (@charles.earl.spencer)

Новопечените сопружници се запознале благодарение на книгата за Викинзите од Кет Џарман, која Спенсер ја рецензирал. Од разговорот што следел, се родила блискост, а потоа и љубов.

Откако се венчале, сопружниците изјавиле за магазинот „Пипл“: „И двајцата се чувствуваме неверојатно среќно што напредувавме од колеги, преку пријателство, до длабока љубов и поврзаност. Секоја фаза од нашата врска беше исполнета со смеење и ја споделуваме страста за животот.“

Да потсетиме, братот на принцезата Дијана претходно беше во брак со Викторија Локвуд од 1989 до 1997 година, со Каролин Фројд од 2001 до 2007 година и со Карен Спенсер од 2011 година до нивниот развод минатата година. Во јуни 2024 година, Спенсер објави дека тој и Карен се разделуваат по 13 години брак, а разводот беше финализиран во декември 2025 година. Поранешната двојка има ќерка, 13-годишната Шарлот Дијана.

ФОТО | „Шарлот е нејзина копија“: Братот на принцезата Дијана сподели досега невидена фотографија од нивното детство