Ана Винтур (76), го привлече вниманието во Њујорк на премиерата на бродвејската претстава „The Fear Of 13“, каде се појави во придружба на својата ќерка Би Карозини. Поранешната уредничка на „Вог“ сè уште е верна на својот препознатлив стил, носеше елегантен бел фустан со маслинесто зелен и син принт, кој го надополни со масивен накит и чевли со змиски дезен.

Секако, неизоставен дел од нејзиниот изглед беа „боб“ фризурата и очилата за сонце кои не ги симнува ниту во затворени простории.

Нејзината ќерка, пак, 38-годишната Би Карозини, изгледаше подеднакво впечатливо во бел фустан без ракави со црвен цветен дезен. Би е во брак со режисерот Франческо Карозини, кој исто така потекнува од модното „кралство“, неговата мајка беше култната уредничка на италијанскиот „Вог“, Франка Соцани.

Елитата на едно место

На црвениот тепих им се придружија и главните ѕвезди на претставата, холивудските актери Адриен Броди и Теса Томпсон. Броди, кој е добитник на Оскар, дојде во придружба на својата девојка Џорџина Чапман, а во претставата ја толкува улогата на човек кој поминал 22 години на „патеката на смртта“ за злосторство што не го сторил.

„Ѓаволот носи Прада 2“ пристигнува на 1 мај

Ова појавување на Ана Винтур доаѓа во време кога модната јавност со нетрпение го очекува продолжението на филмскиот хит „Ѓаволот носи Прада“. Винтур неодамна позираше за насловната на „Vogue“ токму со Мерил Стрип, која ја толкува легендарната Миранда Пристли – лик инспириран токму од Ана.

Продолжението на филмот, каде се враќа и Ен Хатавеј, е закажано за премиера на 1 мај.

Драма на снимањето на „Ѓаволот носи Прада 2“ – полицијата морала да интервенира, а Ен Хатавеј поставила посебен ултиматум