Во ударниот бран од летната сезона во Хрватска, стотици илјади туристи престојуваат на валкани плажи и во огромни гужви.

Хрватското крајбрежје е во целосен колапс, а глетките од една од најпознатите градски плажи во Макарска ја шокираа јавноста и предизвикаа лавина од бесни реакции на социјалните мрежи. Снимки од непрегледните реки од луѓе кои се гушат во гужви, ѓубре, храна, крпи…

Плажите претворени во хорор филм и мравјалник

Глетките од теренот ги опишуваат како чист „хорор филм“ и „пекол“ – човек лежи врз човек, како во морето и во оскудната сенка, додека одморот е заменет со неподнослива бучава, гужви и општ метеж.

Огорчените туристи и корисници на социјалните мрежи отворено прашуваат кој воопшто сака да плати и да летува во вакви услови, истакнувајќи дека престојот на преполна плажа наместо опуштање носи само екстремен замор, стрес и фрустрација.

 

View this post on Instagram

 

A post shared by Pod Biokovom (@podbiokovom)

Бесни дискусии и осуди поради сиромаштијата и евтиниот туризам

Катастрофалната состојба на плажите разгоре жестоки конфликти во коментарите, каде што на удар на критиките се најдоа и самите капачи кои, во обид да ги избегнат прескапите цени во рестораните, на плажите масовно носат своја храна и сендвичи од супермаркетот.

И додека некои се обидуваат да го оправдаат овој колапс со тврдењето дека „богатите гледаат каде ги трошат парите“, критичарите истакнуваат дека приказната за елитен туризам целосно пропаднала, оставајќи зад себе глетки од мравјалници и значително нарушен квалитет на летувањето за сите посетители.

„Кому му пречи, нека не доаѓа“

Сепак, имало и многумина кои веруваат дека нема ништо необично во ваквите сцени.

Еден корисник, кој во тоа време бил во Макарска, напишал: „Преполно е, но има место за сите“.

Други истакнале дека е сосема нормално градските плажи да бидат преполни во средината на јули и дека луѓето доаѓаат да уживаат во морето, без оглед на гужвата.

Еден од коментарите гласел:

„Кому му пречи, нека не оди. Има луѓе на кои ова не им пречи и се враќаат секоја година.“

Некои потсетиле дека слични сцени можат да се видат на плажите во Шпанија, Грција или Италија, но дека таму ретко предизвикуваат толку многу негативни коментари.

Теорија за змиското каснување: Се претпоставува дека отровот од кобра ја убил легендарната Клеопатра, но дали тоа е вистина?

ФОТО | Најдобри нудистички плажи во Грција за несекојдневно летно бегство