Ферстапен: Секогаш е посебно да се победи пред домашни навивачи
Возачот на Ред Бул, Макс Верстапен, денеска пред своите навивачи на патеката Зандворт славеше на трката за Големата награда на Холандија и направи голем исчекор кој одбрана на титулата во Формула 1 шампионатот.
Ферстапен ја оствари 10 победа во 15 трка сезонава и со 310 бода се наоѓа на лидерската позиција во генерален пласман и има 109 бода повеќе од Шарл Леклер и Серхио Перес. Иако е блиску до втората титула во катиерата, Ферстапен е пресреќен што победи пред домашните навивачи.
– Секогаш е посебно да се победи домашна трка, оваа година морав да работам уште повеќе, ова е неверојатен викенд за мене и навистина сум среќен што победивме во Холандија – изјави Ферстапен.
Денешната победа беше и 30 во кариерата, на второто место се пласира возачот на Мерцедес, Џорџ Расел кој сезонава го фрли во сенка клупскиот колега и седумкратен Ф1 шампион, Луис Хамилтон.
– Како тим денеска имавме неверојатно темпо. Тимскиот резултат не беше баш како што се надевавме, но добивме голема самодоверба за понатаму. Полека се приближуваме до нивото на Ред Бул – изјави Расел.
Следната трка во Формула 1 шампионатот ќе се вози наредниот викенд за Големата награда на Италија што ќе се вози на легендарната патека „Монца“.