Швајцарскиот тенисер одлучи да го заврши настапот на грен слем турнирот во Париз после мечот од третото коло. Рожер Федерер во четвртата рунда на „Ролан Гарос“ требаше да игра против Матео Беретини, но Италијанецот без борба си обезбеди место во четвртфиналето.

Швајцарецот ја донесе ваквата одлука после тешкиот меч во третото коло со Доминик Кепфер, дуел кој траеше повеќе од три и пол часа, или некаде околу 01.00 часот по полноќ.

Федерер истроши многу енергија и на прес конференцијата најави откажување од турнирот, бидејќи 39-годишниот тенисер не е доволно подготвен после двете операции на коленото.

– По консултацијата со мојот тим, решив да се повлечам денеска од Ролан Гарос. После две операции на коленото и повеќе од една година рехабилитација, важно е да го слушам моето тело и да бидам сигурен дека нема да се форсирам премногу на патот кон закрепнување. Воодушевен сум што завршив три меча затоа што нема подобро чувство од она на теренот. Се гледаме наскоро – напиша Федерер на социјалните мрежи.

Иако се најавуваше нивни меч во четвртфиналната фаза, сега Федерер и Ѓоковиќ нема да ги одмерат силите. Првиот светски рекет Новак Ѓоковиќ доколку биде успешен во мечот со Лоренцо Мусети, во четвртфиналето ќе се соочи со Беретини.

pic.twitter.com/70C8RYr69J

— Roger Federer (@rogerfederer) June 6, 2021

Неспортски потег на Федерер: Го провоцираше Чилиќ, па влезе во расправија со судијата