Федерер и Надал го предадоа Ѓоковиќ и сите нас
Канадскиот тенисер Васек Поспишил ги обвини Рожер Федерер и Рафаел Надал поради предавство на неговата идеја која е прифатена од мнозинството тенисери.
Поспишил дал предлог да се направи унија на синдикатите за тенисери и на тој начин да се зголемат наградните фондови на турнирите. Канадскиот тенисер најголема поддршка добил од претседателот на советот на тенисери, Новак Ѓоковиќ, но бил „предаден“ од Рафаел Надал и Рожер Федерер кои гласале против.
– Во еден момент имавме 800 од Топ 100 најдобри тенисери кои потпишаа и еден од нив беше Новак Ѓоковиќ. Имавме и 12 од Топ 20 тенисеи, но кога отидовме кај Рожер и Рафа, тие ја сменија својата одлука. Сакаа да зборуваат на само со челниците на грен слем турнирите, што беше спротивно на целата наша идеја. Искрено, тоа е срамота – вели Поспишил.
– Имав одличен разговор со Рожер тој и добар човек и навистина го сакам. Тоа во целост не поддржа, но не сакаше да застане зад овој проект. Тоа не успори, но на крајот мнозинството е посилно од неколкумина – смета Поспишил.
Канадскиот тенисер е убеден дека успеале да на направат вистинската работа и без поддршката од Федерер и од Надал.
– Ни беше потребна унија или асоцијација. Унијата на играчите во спортот каков што е тенисот не е лесно да се одржи. Станува збор за интернационален спорт и имате толку многу закони во различни земји кои се косат самите со себе. Успеавме да направиме многу и сега сме обединети, дефинитивно постои светло на крајот од тунелот.