Фаучи: Може да се врати спортот, играчите во хотели, тестирања, празни стадиони..!
Главниот американски епидемилог вели дека доволно интерес би имало од навивачите за гледање на натпревари дури и во скратена сезона.
Според долгогодишниот директор на Националниот институт за алергија и заразни болести, Ентони Фаучи, можно е враќањето на спортските натпреварувања во САД оваа година, но само без присуство на навивачи.
– Постои начин да се постигне тоа. Никој не смее да доаѓа на стадионите. Спортистите да бидат во големи хотели, каде и да играте, држете ги под надзор…Нека ги тестираат секоја недела и бидете внимателни да не се заразуваат едни со други или нивните семејства – рече Фаучи, пренесуваат американските медиуми.
Empty stadiums, players in hotels, weekly testing. Could there be a return of pro sports during the coronavirus pandemic? Dr. Anthony Fauci could see it happening. https://t.co/gk8RggnUk5
— Toronto Star (@TorontoStar) April 15, 2020
Одговарајќи на прашање за одржување на скратена сезона во бејзбол (МЛБ) лигата и почетокот на натпреварувањето во американскиот фудбал (НФЛ), Фаучи вели дека ќе има доволно интерес од навивачите за гледање на натпреварите, дури и доколку тие не можат да присуствуваат.
Овој коментар на Фаучи дојде една недела откако 72 проценти од Американците во анкета на еден Универзитет рекоа дека нема да присуствуваат на спортски настани додека не се најде вакцина за коронавирусот.
Само 13 проценти од анкетираните рекле дека се чувствуваат удобно да одат на натпревари како во минатото.