Актерката Ева Лонгорија пред две години донела одлука да се пресели од САД и својот живот да го подели меѓу Шпанија и Мексико, каде денес живее со сопругот Хосе Бастон и нивниот син.

Иако пораснала во Тексас, а поголемиот дел од животот го поминала во Лос Анџелес, Лонгорија открива дека најголемата промена за неа била – поинаков ритам на живот.

„Во Шпанија навистина уживаат во животот. Обожаваат долги оброци и никогаш не брзаат“, вели таа, додавајќи дека не ѝ недостига стресниот „работен ручек“ кој е типичен за американската култура.

Актерката денес работи и на нови проекти, меѓу кои и патописна серија на телевизијата Си-ен-ен, насловена „Ева Лонгорија: Во потрага по Франција“.

Како една од предностите на животот во Европа ја издвојува и помалата гужва: „Нема сообраќаен хаос таму каде што живееме. Секогаш пешачам.“

Сепак, признава дека ѝ недостигаат две работи од САД – семејството и мексиканската храна.

„Ми недостига моето семејство од Тексас… и добрата мексиканска храна. Тоа навистина го нема во Европа“, искрено вели Лонгорија.

Нејзиниот син неодамна почнал да посетува училиште, откако претходно се школувал од дома, а таа вели дека одлично се снаоѓа во новата средина.

Во едно од претходните интервјуа, актерката откри дека чувствува дека нејзиното „американско поглавје“ е завршено и дека повеќе не сака да живее во Лос Анџелес, кој, според неа, значително се променил.

Ева Лонгорија откри како е да се стане мајка на 43 години: „Се прашувам дали мојот син ќе се срами од мене“