ЕП: Србите во полуфинална пресметка со Франција – Слободен печат
ОстанатoСпорт

ЕП: Србите во полуфинална пресметка со Франција

Официјално се познати сите четири репрезентации кои останаа во игра за тронот на континенталниот собир...

Во последните две четвртфинални средби, селекцијата на Србија во Антверп со резултат 3:2 по сетови 21:25, 25:23, 25:22, 19:25 и 15:9 беше подобра од Украина.

Александар Атанасијевиќ беше најефикасен во победничките редови со 24 поени, три помалку запиша Урош Ковачевиќ, а на спротивната страна блескаше Јан Јерешченко со 18 поени, еден повеќе од Дмитро Вјетски.

Французите со максимални 3:0 (25:16, 27:25, 25:14) славеа против Италија во Нант предводени од Стефен Боје со 25 поени.

На тој начин се познати двете полуфинални двојки на Европското првенство, на 26 септември од 20.30 часот во Љубљана, Словенија ќе игра против Полска.

Еден ден подоцна во Нант, француската репрезентација ќе ги одмери силите против Србија. Завршните дуели за медалите ќе се водат во Париз, на 28 септември за бронзата и за европската титула в недела на 29 септември.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close