Поранешниот градоначалник на Јагодина и лидер на партијата Единствена Србија, Драган Марковиќ Палма вчера со голема помпа и пред бројни новинари отвори полско ве-це и туш. Имено негова е идејата во сите села во Јагодина, а ги има 52, да се поставуваат јавни ве-це со тушеви на секои 300 метри.

„Претседателе ова е единствен случај во Србија, тоалет и туш кабина во нива, сосем сериозно праша новинар.

Palma otvara toalet u njivi ?? nema dalje, jedinstveno u svetu kako i on sam kaze pic.twitter.com/6v8ysJdX5d

— Stratos-Odžo (@zvezdakimsrbija) September 18, 2019

„Единствен во свет“, одговори возвишено Палма, па тргна да филозофира дека му смета кога земјоделците ги нарекуваат сељаци.

На крај само утврди дека „земјоделците мора да имаат тоалет, затоа што каде ќе одат во нужда кога нивите со пченка се ниски?“

Инаку од времето кога Палма беше градоначалник на Јагодина (сега е претседател на градското собрание) беше познат по бизарните потези. Така пред неколку години на своите граѓани им купи жирафа.