Е. Пелистер и Целје Пивоварна Лашко во финалето за трофејот на струшкиот турнир
Ракометарите на Е. Пелистер обезбедија ново финале на 50 издание на меѓународниот струшки турнир, откако со 27:26 го совлада грчкиот тим на АЕК Атина.
Иако на паузата имаа негатива од 12:16, во вториот дел играчите на Ларс Валтер направија целосен пресврт.
Македонскиот вицешампион го освои првото место во својата група и во финалната пресметка ќе го предизвика Целје Пивоварна Лашко од Словенија в сабота од 21.15 часот.
Претходно се одиграа уште два меча Татран Прешов дојде до вториот триумф откако го совлада домаќинот Струга со 36:21, додека Алкалоид и Бутел Скопје ремизираа (26:26).
За третото место на турнирот ќе играат Вардар 1961 и Татран Прешов од 19.15 часот, за петтото РК Алкалоид и АЕК Атина од 17.15 часот, а за седмата позиција Струга и Бутел Скопје од 10.00 часот.