Поранешната детска ѕвезда на Бродвеј, Имани Диа Смит, позната по улогата на младата Нала во мјузиклот „Кралот лав“ (The Lion King), била пронајдена мртва во семејната куќа во Едисон, сојузната држава Њу Џерси, на 21 декември, пренесува „Њујорк тајмс“.

Imani Dia Smith, former Broadway child actress best known for her role as Young Nala in Disney’s The Lion King, has sadly passed away at the age of 25. pic.twitter.com/GwtO1PEsoX

— The DisInsider (@TheDisInsider) December 24, 2025

Според информациите од Обвинителството на округот Мидлсекс, полицијата добила повик на бројот 911 поради пријава за напад во дом на улицата Гроув Авенија. По пристигнувањето, службениците ја затекнале Смит со тешки повреди. Таа била пренесена во Универзитетската болница „Роберт Вуд Џонсон“, каде што била прогласена за почината. Надлежните соопштиле дека случајот не бил случаен инцидент и дека жртвата и осомничениот се познавале меѓусебно.

На 23 декември бил уапсен Џордан Д. Џексон-Смол (35), партнерот на починатата актерка. Против него се поднесени обвиненија за убиство од прв степен, загрозување на благосостојбата на дете од втор степен, како и за незаконско поседување оружје и користење оружје за нелегални цели. Тој моментално се наоѓа во притвор и го очекува рочиште. Од Обвинителството нагласиле дека осомничениот се смета за невин сè додека вината не биде докажана со правосилна судска одлука.

По трагичната смрт на Имани, нејзиното семејство преку кампања на платформата GoFundMe, организирана од нејзината тетка Кира Хелпер, соопшти дека таа зад себе оставила тригодишен син, како и родители и браќа.

Во објавата се наведува дека Смит била „енергична, полна со љубов и исклучително талентирана личност“, а нејзината улога во „The Lion King“ ја одразувала радоста и креативноста што ја внесувала во сè што го работела.