Илјадници луѓе во северозападниот дел на Пакистан опколиле полициска станица каде што бил приведен маж обвинет за богохулење. Кога полицијата одбила да го предаде осомничениот, толпата ја запалила зградата.

Неколку полициски контролни пунктови исто така биле погодени од големите насилства што избувнале доцна синоќа во областа Часада, во провинцијата Хајбер Пахтунхва.

Гневот на јавноста бил предизвикан од извештаите дека полицијата уапсила маж осомничен за непочитување на Куранот. Овој чин се смета за богохулење според пакистанскиот закон и може да се казни со смрт.

Толпата барала полицијата да им го предаде осомничениот. Кога полицијата одбила, ситуацијата ескалирала и полицајците морале да се повлечат. Во пресметката немало жртви.

Ограбени криминални досиеја

Полициската станица била ограбена пред да биде уништена во пожарот, заедно со нејзината архива со криминални досиеја и неколку полициски возила паркирани пред него. Полицијата се сомнева и дека оружјето од неговиот арсенал можеби е украдено.

Насилството се проширило и во другите делови на областа, каде што демонстрантите нападнале четири полициски контролни пунктови.

Полицијата го опишала неидентификуваниот осомничен за богохулење како психички нестабилен. Полицијата го отстранила мажот од станицата пред нападот и го префрлиле на безбедна локација, соопштија официјални лица.