Џихиадисти ја нападнаа воената база каде американски војници обучуваат командоси во Сомалија. Локалното население сведочи за силни експлозии и звуци од огнено оружје во близина на аеродромот Баледогл, објави Би-Би-Си.

Милитантната група ал-Шабаб изјави дека го спровела нападот, користејќи автомобил бомба за да ја пробие влезната капија пред да ги испрати борците во базата.

Официјални лица на армијата велат дека џихадистите биле одвратени без да го пробијат периметарот кои го поставиле одбранбените сили. Засега, нема пријавено жртви кај сомалиската армија.

Преку соопштение, американскиот амбасадор Доналд Јамамото изрази благодарност до сомалиската армија за нивната „подготвеност и брза реакција“.

– Овој напад уште еднаш докажува дека ал-Шабаб насилно се спротиставува на напредокот кон мирот и напредокот во Сомалија – рече тој.

Јамамото кажа и дека САД остануваат посветени на изградба на просперитетна и посилна Сомалија која нуди посветлна иднина за нивните луѓе.

Од терористичката ал-Шабаб преземаа одговорност за нападот.

– Откако го пробивме периметарот на жестоко утврдената база, муџахедините (светите војници) го нападнаа воениот комплекс, влегувајќи во интензивни воени престрелки – рекоа тие.

Во базата која се наоѓа на 100-тина километри западно од главниот град Могадишу, кажано е дека престојуваат американски специјални сили, сомалиски специјални сили и мировни сили од Уганда. Се користи како хелиодром за лансирање на американски дронови, но и како тренинг центар.

Во друг случај, како што известува Би-Би-Си, италијански воен конвој е погоден од експлозија во Могадишу, објави министерството за одбрана на Италија. Се уште нема пријавено жртви во овој напад.