Додавањето здрави навики во вашата утринска рутина може да го намали стресот, да го подобри спиењето, да го подобри управувањето со времето и да придонесе за подобро физичко и ментално здравје.

Здравиот начин на живот не е само јадење зеленчук и повремено трчање. Во светот кој го слави брзањето и вечната потрага по надворешни идеали за убавина, да научите како да се биде навистина здрав може да биде предизвик. Но, оние кои зрачат со здравје знаат дека клучот е во доследноста.

Еве 10 навики кои најздравите луѓе ги практикуваат секое утро пред 10 часот.

Пијат чаша вода веднаш по будењето

Водата го рехидрира телото, го стимулира варењето и помага да се разбудите. Додадете неколку капки лимон или јаболков оцет за дополнителни придобивки.

Не го проверуваат мобилниот телефон

Читањето мејлови и разгледувањето на содржините на социјалните мрежи веднаш по будењето го натрупува умот. Дајте си барем еден час време без мобилен телефон за подобар фокус и помалку стрес.

Благодарни се за она што го имаат

Размислувањето за работи за кои сте благодарни дава позитивен тон за целиот ден.

Се движат

Без разлика дали станува збор за истегнување, танцување или тренинг, утринската активност го намалува ризикот од хронични болести, го подобрува расположението и ја зголемува енергијата.

Ја одредуваат најважната задача за тој ден

Изберете една клучна цел што сакате да ја постигнете и тргнете од неа.

Јадат здрав појадок

Хранливиот појадок го започнува вашиот метаболизам и ви дава енергија за цел ден.

Си го стружат јазикот

Оваа навика ги отстранува бактериите и го подобрува оралното здравје, но и сетилото за вкус.

Ја слушаат омилената музика или аудио книга

Музиката или некоја инспиративна книга може да ви го крене расположението и да ве мотивира за денот пред вас.

Практикуваат суво четкање на телото

Оваа ајурведска масажа ја стимулира циркулацијата, ги отстранува токсините и ја остава кожата свежа.

Си се насмевнуваат себеси во огледалото

Смеењето пред огледало поттикнува позитивно размислување и ја зголемува самодовербата.