„We Are One“ е глобален филмски фестивал кој заеднички го организираат филмските фестивали и Јутјуб, а сите собрани средства се наменети за борбата против пандемијата на коронавирусот.

Дваесет филмски фестивали, вклучувајќи ги Кан, Венеција, Берлин и Торонто, ќе учествуваат во виртуелна манифестација што ќе овозможи бесплатно гледање на филмови на Јутјуб.

„Сите сме едно: Глобален филмски фестивал“ (YouTube.com/WeAreOne), ќе се одржи од 29 мај до 7 јуни, а ќе може да се гледаат играни филмови, кратки филмови, документарци и музички, како и ќе се следат и тркалезни маси.

„Честопати зборуваме за улогата што филмовите можат да ја играат во инспирирање и приближување на луѓето преку границите како би се смирил светот“, коментира директорката Џејн Розентал, додавајќи дека „на целиот свет во овој момент му е потребно смирување“.

„На љубителите на филмот во текот на десет-дневниот фестивал сакаме да им овозможиме пристап до филмовите кои внимателно ги избраа селекторите на фестивалот кои работат на оваа иницијатива. Нешто слично никогаш претходно не е организирано и горди сме што добивме прилика да им понудиме ваква фантастична понуда на гледачите ширум целиот свет“, изјави Роберт Кинчл, главниот директор на Јутјуб.

Точната програма сè уште не е објавена, а организаторите велат дека понудената содржина ќе биде мешавина од нови и стари филмови.

Дел од приходите од фестивалот ќе бидат донирани на Светската здравствена организација и добротворни цели, најавија организаторите.