Десерт за оваа сабота: Засладете се со панакота со боровинки
Оваа сабота не бидете мрзеливи и подгответе си превкусен десерт – панакота со боровинки, во чиј вкус ќе уживаат сите во семејството…
СОСТОЈКИ:
ЗА ЖЕЛЕТО ОД БОРОВИНКИ
– 300 г боровинки
– 100 г шеќер во прав
– 10 г желатин
– 100 мл вода
ЗА ПАНАКОТА:
– 500 мл млеко
– 500 мл слатка павлака
– 10 г желатин
– 100 г шеќер
– екстракт од ванила
ПОДГОТОВКА:
Желатинот измешајте го со две лажици вода и нека стои. Во сад ставете ги боровинките, шеќерот во прав и водата. Варете со постојано мешање додека боровинките пуштат сок. Нека зоврие, па варете уште 2- 3 минути. Смесата изладете ја со мешање и гмечење, да излезе што повеќе сок од плодовите. Нека се излади малку, па додајте го желатинот и измешајте. Ставете ја во чаши, па во фрижидер да се стегне. За тоа време другиот желатин полејте го со 2 лажици вода и нека стои до употреба. Во тенџере измешајте го млекото со слатката павлака, шеќерот и екстрактот од ванила. Варете додека зоврие, па потоа уште 1-2 минути. Тргнете го садот од оган и префрлете го во сад. Мешајте да се излади, па додајте го желатинот. Измешајте и оваа смеса распоредете ја над филот со боровинки. Нека се стегне во фрижидер.