Првиот светски тениски рекет доживеа понижувачка елиминација на турнирот во Виена. Ѓоковиќ во четвртфиналето во Виена загуби со 6:2,6:1 за 68. минути од 42. тенисер на АТП ранг листата од Лоренцо Сонего.

Почетокот на мечот започна неверојатно за Ѓоковиќ со премногу неизнудени грешки, неговиот противник му ги одзеде првите два сервис гема по кои Сонего веќе поведе со 4:0, а по само 32. минути првиот сет заврши со 6:2 за италијанскиот тенисер.

И вториот сет речиси идентична слика, Сонего направи брејк уште на самиот старт, а потоа дојде до нов брејк за предност од 1:4 додека Ѓоковиќ продолжи со катастрофалната игра и на крајот претрпе уште еден брејк со што доживеа вистински дебакл од 6:1 во вториот сет. Сонего во полуфиналето ќе игра против подобриот од дуелот помеѓу Димитров и Еванс.

Елиминација во четвртфиналето доживеа и вториот носител на турнирот во Виена, Доминик Тим кој е поразен од Андреј Рубљов исто така во два сета 5:7,2:6. Рубљов во полуфиналето ќе игра против Кевин Андерсон кој пак славеше со 6:4,7:5 над Данил Медведев.