Бјелогрлиќ ја најави третата сезона на серијата „Сенки над Балканот“: Кој ќе го глуми Тито?

Фото: МИА

Актерот и режисер Драган Бјелогрлиќ го најави снимањето на третата сезона на „Сенки над Балканот“, една од најуспешните серии во последните години во  регионот.

Бјелогрлиќ на својот инстаграм –  профил напиша:

„Повторно доаѓаат сенките на Балканот… #Сенке 3“, а со оваа објава и официјално го најави почетокот на новата сезона.

Третата сезона треба да го опфати периодот пред Втората светска војна, а според некои претходни шпекулации, улогата на Јосип Броз Тито треба да ја има Милош Биковиќ, пренесува Нова.рс.


Првата и втората сезона од серијата беа многу добро прифатени од публиката и критичарите. Првата сезона од серијата се снимаше од октомври 2016 до јуни 2017 година, а втората сезона беше снимена од 12 ноември 2018 до мај 2019 година.

Бјелогрлиќ во серијата ја толкуваше главната улога на инспекторот Танет, а е и продуцент и режисер.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот