Актерот и режисер Драган Бјелогрлиќ го најави снимањето на третата сезона на „Сенки над Балканот“, една од најуспешните серии во последните години во  регионот.

Бјелогрлиќ на својот инстаграм –  профил напиша:

„Повторно доаѓаат сенките на Балканот… #Сенке 3“, а со оваа објава и официјално го најави почетокот на новата сезона.

Третата сезона треба да го опфати периодот пред Втората светска војна, а според некои претходни шпекулации, улогата на Јосип Броз Тито треба да ја има Милош Биковиќ, пренесува Нова.рс.

 

View this post on Instagram

 

A post shared by DRAGAN BJELOGRLIĆ (@draganbjelogrlicbjela)

Првата и втората сезона од серијата беа многу добро прифатени од публиката и критичарите. Првата сезона од серијата се снимаше од октомври 2016 до јуни 2017 година, а втората сезона беше снимена од 12 ноември 2018 до мај 2019 година.

Бјелогрлиќ во серијата ја толкуваше главната улога на инспекторот Танет, а е и продуцент и режисер.