Италијанскиот тенисер Матео Беретини обезбеди пласман во полуфиналето на Австралија Опен каде го очекува пресметка со Рафаел Надал.

Беретини исто како и Надал, имаше водство од 2:0 во сетови, но победата ја одвојува во петтиот сет, и тоа со 6:4,6:4,3:6,3:6,6:2. Ова ќе биде прво полуфинале за Беретини на Австралија Опен.
Првиот сет Италијанецот го освои за само 37 минути и тоа со 6:4, додека во вториот за истиот резултат Беретини и Монфилс играа дури 62 минути.

Во третиот и четвртиот сет, Монфилс беше подобар противник и со по 6:3 ги освои сетовите и дојде до измранување на 2:2. Во двата сета, Монфилс три пати го одзеде сервисот на Италијанецот, а притоа му дозволи само една брејк топка која успешно ја одбрани.

Во одлучувачкиот сет, Беретино тргна одлично, ги одзеде првите два сервиса на Монфилс и поведе со 4:0 по што рутински го приведе мечот до крајот и си обезбеди полуфинална пресметка со Рафаел Надал.