Шпанскиот тенисер Карлос Алкараз беше сигурен во првото коло на „Австралија Опен“. Во три сета го победи Французинот Ришар Гаске со 7:6, 6:1, 6:2.

Израмнет меч беше видовме само во првиот сет, Алкараз и Гаске во неколку наврати пропуштија брејк шанси, па се отиде во тај-брејк. Во 13 гем Гаске водеше со 5:4, но не издржа. Алкараз со серија 3:0 стигна до водство во сетови 7:5.

После тоа веќе немаше дилеми, во вториот сет Алкараз брзо стигна до 3:0 и мирно го приведе тој дел од играта до крај. А во последниот сет Шпанецот играше фуриозо, поведе со 4:0 и лесно дојде до победата.

Во второто коло на турнирот Алкараз ќе игра против Италијанецот Лоренцо Сонего, кој со 4:6, 7:6, 6:2, 7:6 го елиминираше Даниел Еванс од Велика Британија.

Во женска конкуренција се одиграа уште неколку мечеви, Американката Џесика Пегула (петта носителка) со 6:2 и 6:4 ја совлада Канаѓанката Ребека Марино.

Алја Томљановиќ (ВТА. 271) од Австралија направи мало изненадување откако со 7:6 (3), 4:6 и 6:4 ја надигра 40 носителка, Хрватката Петра Мартиќ. Британката Ема Радукану со 6:3 и 6:2 славеше победа над Шелби Роџерс од САД.

Зверев со пресврт до второто коло на „Австралија Опен“