Ашер беше во центарот на вниманието откако дозна дека оваа година ќе настапи на полувремето на Супербол, кое се смета за еден од најважните настани во годината, но и во кариерата на секој пејач во Америка.

Меѓутоа Ашер нема да биде платен за неговиот настап на Супербол поради маркетиншката вредност на 13-минутното шоу.

45 -годишната ѕвезда ќе го искористи настапт за да ја започне својата година и да ги поттикне стримовите и продажбата на неговиот нов албум „Coming Home“, кој излезе пред два дена.

Во извештајот на Форбс, се вели дека аранжманот му се исплати на изведувачот поради неверојатно големиот број гледачи кои го гледаат.

По најавата на неговиот настап, Билборд забележа дека заработката на Ашер е зголемена за 7,8 милиони долари од вкупните стримови во САД во септември.

Организаторите на Супербол сметаат дека настапот на пејачот е доволна реклама за имиџот и работата на изведувачот и дека не му треба дополнителен хонорар, пишува „Дејли мејл“.

Пејачот ќе заработува од стриминг на своите настапи на различни платформи како „Spotify“ и на овој начин ќе заработи милионски приход.

Исто така, само 48 часа пред Супербол, Ашер го издаде својот нов, деветти албум „Coming Home“, за прв пат од 2016 година. Настапот на полувремето беше идеална прилика да го промовира новиот албум, кој исто така ќе му донесе многу пари.