Ако нема публика на трибините, нема да има ниту Ролан Гарос
Министерката за спорт на Франција, Роксана Марасинеану изјави дека Ролан Гарос чиј старт е презакажан за 27 септември нема да биде одржан доколку не се дозволи да има навивачи на трибините.
Турнирот според календарот требаше да се одржи од 24. мај до 7. јуни, но организаторот го премести за крајот на септември поради пандемијата на коронавирусот.
Во меѓувреме француската Влада ги забрани сите спортски настани на кои може да се доберат до 5.000 луѓе до септември, а меѓу нив е и најпознатата велосипедска трка Тур де Франс.
– Доколку состојбата со коронавирусот се подобри во септември, сите натпреварувања кои се во календарот, па дури и Ролан Гарос и Тур де Франс ќе се одржат. Тие ќе бидат одржани само доколку има дозвола за присуство на навивачи. Ако е забрането да има публика, тогаш нема да се одржат – изјави Марасинеану.