Како што се приближува почетокот на подготовките, така полека македонскиот кошаркарски шампион ги дознава обврските што го очекуваат во историската сезона, во која по долго време ќе настапува на три различни фронта.

Првиот распоред што го добија „металците“ е оној за АБА2 лигата, каде што повторно ќе се игра по систем со четири групи.

Првопласираните екипи директно ќе обезбедат место во плејофот, додека второ- и третопласираните ќе мора да поминат низ плејин-фазата.

Ждрепката на МЗТ му донесе ривали од Словенија, Србија и Црна Гора, а авантурата во регионалното натпреварување ја почнуваме на крајот од септември.

АБА2 лига
Група Ц

1 коло МЗТ Скопје Аеродром – Слобода Ужице
2 коло Сутјеска Електропривреда – МЗТ Скопје Аеродром
3 коло МЗТ Скопје Аеродром – Триглав Крањ
4 коло Триглав Крањ – МЗТ Скопје Аеродром
5 коло Слобода Ужице – МЗТ Скопје Аеродром
6 коло МЗТ Скопје Аеродром – Сутјеска Електропривреда

Во периодот што следува МЗТ ги очекува и распоредите за ФИБА Еврокупот и домашната Суперлига. Во меѓувреме се продолжува интензивно да работи на комплетирањето на ростерот, со јасна цел – да се изгради тим што достојно ќе претставува МЗТ и македонската кошарка на сите три фронта.