По подолг период, браќата Стефан и Мартин Филиповски од популарната музичка група „Некст тајм“ повторно поминаа време заедно во Виена, градот во кој живее и работи сопругата на Стефан, Тинеа.

Овојпат средбата беше во семеен дух. Со Мартин во австриската престолнина пристигнаа и неговата сопруга Андреа Белеска и нивната ќеркичка Лиана, која неодамна го прослави својот прв роденден. Малата Лиана беше во центарот на вниманието, а татко ѝ и чичко ѝ не ја криеја својата љубов кон неа.

На социјалните мрежи, Стефан и Мартин споделија фотографии и видеа од нивниот престој во Виена – од прошетки низ градските улици, кафулиња и паркови, до моменти во кои Мартин ја шета Лиана во количка.

Следбениците веднаш забележаа колку девојчето наликува на семејството, па во коментарите напишаа дека е „целата на Филиповци“.

Покрај семејните прошетки, браќата Филиповски уживаа и во музички настан. Тие присуствуваа на концерт на британскиот пејач Џејмс Артур, од каде што споделија дел од атмосферата преку фотографии и видеа на Инстаграм.

„Виена. Џејмс Артур. Учам од најдобриот“, напиша Стефан во една од објавите.