Заврши успешно и последниот ден за македонските каратисти на Балканското првенство
И последниот ден од Балканското првенство за сениори и ветерани што се одржуваше од 22 до 24 септември 2023 година во Тирана, Албаниј,а заврши успешно за македонските карате репрезентативци.
Нашиот машки тим во состав: Глигор Хаџи-Кимов, Берат Јакупи, Мурсел Мисини, Емил Павлов, Петар Спасеновски, Стефан Стојановиќ и Витомир Трајковски успеаја да освојат сребрен медал. Во првиот круг беше остварена победа против Босна и Херцеговина со 15-10, во вториот круг победа против Албанија со 3-1 и во финалето пораз против Србија со резултат 1-3.
Севкупно на овој шампионат македонската сениорска репрезентација успеа да освои три сребрени медали во индивидуален и два сребрени во екипен настап, три бронзени медали во индивидуален и еден во екипен.
Сите постигнати резултати може да се погледнат на следниот линк ТУКА
Индивидуален настап –
Кумите женски -61 кг. Викторија Јовановска (2 место)
Кумите машки -67 кг. Емил Павлов (2 место)
Кумите машки 84+ кг. Берат Јакупи (2 место)
Кумите женски -61 кг. Вероника Костовска (3 место)
Кумите машки -60 кг. Фаик Весели (3 место)
Кумите машки -75 кг. Петар Заборски (3 место)
Екипен настап –
Кумите машки екипно (2 место): Глигор Хаџи-Кимов, Берат Јакупи, Мурсел Мисини, Емил Павлов, Петар Спасеновски, Стефан Стојановиќ, Витомир Трајковски
Ката машки екипно (2 место): Кристијан Бајовски, Александар Спасовски, Давид Спасовски
Кумите женски екипно (3 место): Јована Георгиева, Вероника Костовска, Бојана Манева, Ангела Мојсовска
Ветерани –
Кумите машки Ветерани +55 -75кг Христаки Давитковски (1 место)
ФОТО: Македонија со три медали на првиот ден од Балканското првенство во карате
Нови медали за македонските каратисти на Балканското првенство во Тирана