Нови медали за македонските каратисти на Балканското првенство во Тирана
И вториот ден на Балканското првенство за сениори и ветерани во карате во Тирана, Албанија, помина со успеси од македонските репрезентативци.
Најпрво нашиот машки ката тим успеа да освои сребрени медали и со тоа да го остварат најдобриот сениорски резултат на овие натпреварувања. Во индивидуален настап во машки кати Кристијан Бајовски го освои петтото место.
Во дисциплината борби сребрени медали освоија Емил Павлов во -67 и Берат Јакупи во -84 кг. Со бронзени медали се закитија Фахик Весели во -60 кг како и Петар Заборски во -75 кг., а во истата категорија -75 кг и Мурсел Мисини заврши како петтопласиран.
На церемонијата на свеченото отворање на ова Балканско првенство за сениори и ветерани, присуствуваше и македонскиот амбасадор во Тирана, господинот Данчо Марковски кој на нашите репрезентативци им честиташе за остварените резултати на ова првенство.
Воедно многу успеси им посака за настапот на претстојното Светско првенство кое ќе се одржи од 24-29 октомври во Будимпешта, Унгарија.
ФОТО: Македонија со три медали на првиот ден од Балканското првенство во карате
