Поранешната најдобра српска тенисерка и освојувачка на „Ролан Гарос“, Ана Ивановиќ, во саботата навечер била забележана како ужива во еден белградски ноќен клуб, а друштво ѝ правел Новак Ѓоковиќ.

Двајцата се забавувале до доцните часови, а во еден момент пејачот Стеван Анѓелковиќ, кој настапувал во клубот, ѝ посветил песна. Како што пренесува „Мондо“, Анѓелковиќ рекол: „Еве една песна за сите бивши, несреќни љубови“, по што Ивановиќ, која неодамна се разведе од германскиот фудбалер Бастијан Швајнштајгер, со кого беше во брак од 2016 година, веднаш стана од столчето.

Пејачот се упатил кон неа и почнал да ги изведува стиховите од песната „Смијехом страх покријем“ од Дино Мерлин, а добро расположената Ивановиќ за тоа време играла и се веселела.

Ова е првпат српските медиуми да ја видат на јавно место по разводот.

Инаку, поранешниот брачен пар ги има тројцата синови Лука, Леон и Тео. Пред неколку месеци се појавија први шпекулации за нивните брачни проблеми, како и гласини дека Швајнштајгер започнал романса со водителката и спортска новинарка Естер Седзлацек.

Подоцна јавноста дозна дека фудбалерот навистина е во врска со друга жена — но не со Седзлацек, туку со Бугарката Силва Капетанов. Нивната врска наводно започнала додека тој сѐ уште бил во брак со Ивановиќ, а била откриена кога папараците ги фотографирале заедно во Грција.

Ивановиќ и Швајнштајгер се разведоа во Швајцарија, а германските медиуми пренесоа дека станувало збор за „итен развод“, со брза постапка и минимално изложување во јавност.