Вујкото на Надал му дели комплименти на Новак: Ѓоковиќ ќе биде тенисерот со највеќе грен слем титули
Новак Ѓоковиќ со победата над Матео Беретини во финалето на Вимблдон, дојде до 20. грен слем трофеј во кариерата и се израмни со Рафаел Надал и Рожер Федерер на првото место на вечната листа.
Ѓоковиќ долго време заостануваше во бројот на освоени грен слем титули во однос на конкурентите, но во последните години конечно успеа да ги стигне и сега се повеќе тениски легенди и експерти веруваат дека кариерата ќе ја заврши како најтрофеен тенисер во историјата. Еден од тие кои веруваат дека Ѓоковиќ на крајот ќе има највеќе грен слем титули е и поранешниот тренер на Рафаел Надал, неговиот вујко Тони Надал.
„Мислам дека нивото, играта на Ѓоковиќ не е поголема од таа во 2011 или 2015 година. Но, се покажа дека Новак секогаш е еден чекор пред новата генерација на тенисери. Ги победи трите идни тениски шампиони на последните три грен слем турнири“, пишува Тони Надал во колумна за весникот „Ел Паис“ .
Тони Надал исто така пишува дека Ѓоковиќ е фаворит за триумф на УС Опен иако на последниот годинешен грен слем турнир ќе игра и неговиот внук.
„Оваа победа на Вимблдон е нешто друго. Се чини дека Ѓоковиќ во овие моменти е тенисер кој е фаворит да се прогласи за победник во трката за највеќе освоени грен слем титули. За еден и пол месец ќе се игра УС Опен и таму ќе има можност да напредува на листата, да биде сам на првото место. Точно е дека и Рафа ќе се бори, никогаш не ја загубив вербата во него“, пишува Тони Надал.
Тениските легенди немаат дилеми, Ѓоковиќ ќе освои 25 или 26 грен слем титули
Тениските легенди немаат дилеми, Ѓоковиќ ќе освои 25 или 26 грен слем титули
Историја на Ѓоковиќ, триумф на Вимблдон за 20. грен слем титула