Во Тексас усвоен закон кој речиси целосно го забранува абортусот  

 Во Тексас е донесен закон според кој се забрануваат абортуси по шеста недела бременост, период во кој, во случај на бременост, многу жени не знаат за својата состојба, јави „Ен-Пи-Ар”. 

Се очекуваше дека Врховниот суд на САД ќе одговори со блокирање на овој закон, по итниот поднесок од страна на клиниките провајдери на оваа услуга, но тоа не се случи, јави дописникот на МИА од Вашингтон.

Законот, познат и како „Сенатски бил 8″, речиси целосно го забранува абортусот во Тексас. Со ова се најавуваат правни битки за иднината на судска разврска од 1973 година (Ро против Вејд) според која правото на абортусот е уставна обврска. 

Поддржувачите на забраната за абортус во САД се нарекуваат „про лајф” генерација, додека противниците се залагаат за планирано родителство и повикуваат на оставка на гувернерот Грег Абот со повикот „аборт Грег”.  

Тексашкиот закон е дотолку контраверзен што не прави никакви исклучоци како на пример за бременост предизвикана од инцест или силување, што е случај во некои сојузни држави раководени од републиканци. 

Во својот поднесок провајдерите напишаа дека „законот веднаш и катастрофално ќе го намали пристапот до абортус во Тексас, изоставајќи медицинска грижа за најмалку 85 отсто од овие пациенти (во шест или над шест неделна бременост) и најверојатно ќе натера многу клиники да се затворат”. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот