Во последната секунда до втора победа над Грузија
Денеска најдобрата македонска репрезентација во СЦ „Борис Трајковски“ го одигра и вториот пријателски натпревар против Грузија. Повторно триумфиравме овојпат со конечни 29:28.
Скоро во текот на целиот меч нашата селекција имаше водство, иако противниците доаѓаа неколку пати доаѓаа до израмнување.
Гостите тоа го направија и во последната минута на 28:28, па останаа уште малку секунди до крајот на средбата. Побрз од последниот звук на сирената за триумф беше десното крило на РК Тинекс Пролет, Мартин Поповски.
Претходно ЕХФ-неделата започна во Ескишехир каде што нашите најдобри ракометари славеа против Турција (26:23), а потоа ремизираа со Италија (26:26).
Овие мечеви служеа како подготовка за настапот на наредното Европско првенство 2020 година во јануари.
Исто така се најавуваат нови контролни мечеви непосредно пред континенталниот собир, односно ќе се искористи и турнирот „Трофеј Карпати“ во декември против Црна Гора и Словенија.