Актерот Метју Пери кој го глумеше Чендлер во хит серијата „Пријатели“, беше забележан во јавноста по доста долг период. Папараците го сликале додека тој посетувал пријател во Пацифик Палисадес, а друштво му правела мистериозна бринета, која изгледа како неговата поранешна вереница Моли Харвиц.

Во рацете тие носеа храна од популарен ланец ресторани за брза храна. Метју на новите фотографии изгледа доста ослабнато за разлика од минатата година. Тој бил облечен во пантолони, маица и кошула.

Девојката која наликува на Моли била облечена во летно издание. Носела крем топ и кратки тексас панталончиња, а на главата имала и очила за сонце.

Ова е првпат актерот да е забележан во јавност во женско друштво откако ја прекина веридбата со Моли во јуни минатата година.

„Понекогаш работите едноставно не функционираат, а ова е еден од тие случаи. На Моли и посакувам се најдобро“, изјави тогаш Пери.