Викторија Спенџарска Стин ни направи колачиња со јагоди и банани

викторија спенџарска стин
Викторија Спенџарска Стин / Фото: Приватна архива

Викторија Спенџарска Стин е мајка на слатките Љубљана и Емона, активист во неколку невладини организации и поборник за здрав начин на живот.

Оваа прекрасна жена стои зад инстаграм-профилот @vegan_viki_, кој ќе ве освои од прва со шаренилото и веднаш ќе посакате да креирате некој од нејзините здрави рецепти.

Викторија Спенџарска Стин ни подготви домашна гранола: Одлична идеја за брз појадок

Денес ни открива рецепт за колачиња/барови со јагоди и банани што се прават брзо и лесно, а се превкусни.

„Овие колачиња се прелесни за правење и одлични за појадок со свежо овошје, чашка растително млеко или какао… ви ветувам уживање“, порача Викторија.

Потребни состојки:

– 1,5 шолја овесни снегулки
– 3 презреани банани
– 2 лажици путер од индиски (замени со каков било путер од јатки)
– 1 лажица ванила
– 3 лажици јогурт (јас користев овошен јогурт од малина)
– јагоди

Викторија Спенџарска Стин
Рецепт на Викторија Спенџарска Стин / Фото: Приватна архива

Подготовка:

Најпрвин со виљушка се пасираат бананите. Се додаваат путерот од индиски ореви, ванилата и 2 лажици јогурт и убаво се промешува. На крај се ставаат овесните снегулки, се меша и смесата се истура во калап (по желба може да се стави и лажица засладувач). Одозгора се редат јагодите и се пече 20-ина минути на 180 степени. Се сече во форма што вам ви одговара. Јас ги јадев со лажица овошен јогурт и свежи јагоди. Одлични се зошто стојат свежи со денови и може да ви послужат како појадок, ужина или десерт.

Видео на денот