ВИДЕО: Жабер по пресврт се пласираше во финалето на Вимблдон
Онс Жабер од Тунис стигна до финалето на „Вимблдон“ по вторпат во кариерата втора година по ред. Во полуфиналето Жабер беше подобра од втората светска тенисерка, Белорусинката Арина Сабаленка.
Тунижанката ја извојува победата вредна за финалето по пресврт, во три сета – 6:7, 6:4, 6:3 по два часа и 15 минути игра. Жабер ќе игра за петтата титула во кариерата и прв слем, ова и е трето Грен слем финале.
Гледавме возбудлив прв сет помеѓу двете одлични тенисерки кои спасуваа брејк топки во сетот кој беше решен во тај брејк и го доби Жабер со 7:5. Во вториот сет видовме израмнета борба, а пресуди брејк на туниската тенисерка и мечот отиде во третиот сет.
ONS-TOPPABLE 🇹🇳@Ons_Jabeur produces a stunning comeback against No.2 seed Aryna Sabalenka to reach the ladies’ final, 6-7(5), 6-4, 6-3 🙌#Wimbledon pic.twitter.com/cFSnkIn55Y
— Wimbledon (@Wimbledon) July 13, 2023
Outrageous Ons 🔥
This stunning forehand winner from @Ons_Jabeur is today's Play of the Day presented by @BarclaysUK #Wimbledon pic.twitter.com/9t82Z4A02h
— Wimbledon (@Wimbledon) July 13, 2023
Жабер успеа целосно да го комплетира пресвртот во третиот сет. Целиот меч застана во шестиот гем во кој Сабаленка спаси две брејк топки, но третата беше брејк за Тунижанката и ѝ донесе водство од 4:2 во решавачкиот дел од мечот. До крајот Жабер успеа да го приведе мечот кон крајот и да забележи победа.
Противничка на Жабер во дуелот за титулата ќе биде Маркета Вондрушова која претходно во првото полуфинале ја елиминираше Елина Свитолина.
