Во последните денови на Тикток кружат серија видеа во кои вработените во луксузни модни куќи откриваат што добиле од своите работодавци за празниците.

Видеата привлекоа големо внимание бидејќи покажуваат дека некои од најпознатите светски брендови ги наградуваат своите вработени со многу вредни и препознатливи производи од сопствените колекции.

@alvinjthn What we got for Christmas from Gucci as male employee. Grateful to be part of it 🙂 #christmas2025 #gucci #employeeappreciation #fyp #foryoupage ♬ original sound – Seventhu

Првото видео го објави Алвин, вработен во „Гучи“ од Германија. Во видеото, тој покажа часовник што го добил како подарок од својот работодавец. Станува збор за елегантен часовник „Гучи“ со метална нараквица и препознатливи дизајнерски детали, спакуван во оригиналната кутија на брендот.

@alvinjthn Replying to @Giù Sca Thanks to my colleague for lending me her gift for this video 🥹👍🏻. This is what they got for christmas gift 2025 at Gucci #fyp #foryoupage #gucci #christmasgift #luxuryretail ♬ Tchaikovsky: The Nutcracker, Op. 71, Act I: No. 2, March – Mariinsky Orchestra & Valery Gergiev & Pyotr Ilyich Tchaikovsky

Видеото предизвика бројни реакции, а многумина коментираа дека станува збор за подарок што оди многу подалеку од вообичаените празнични подароци во повеќето компании.

Кратко потоа, Алвин објави уште едно видео во кое откри дека вработените во „Гучи“ добиле и дизајнерски чанти. Видеото прикажува црна чанта со прошиен дезен и златен ланец, со препознатливото лого на Гучи на предната страна.

@tanyabedi couldn’t be more grateful for working here ❤️🎄 #christmas2025 #louisvuitton #employee #gift #fyp ♬ original sound – Jae Phillips

Третото видео го објави Тања Беди, која работи за „Луј Витон“. Во својата објава, таа покажа што добиле вработените во францускиот луксузен бренд за Божиќ. Видеото прикажува портокалова чанта со препознатлив стил „Луј Витон“ и кутија за картички од колекцијата „Монограм“.

Иако содржината на подароците варира во зависност од пазарот и позицијата на вработениот, реакциите под видеото покажуваат дека многумина биле импресионирани од начинот на кој „Луј Витон“ ги наградува своите вработени.