Каи Трамп, најстарата внука на Доналд Трамп, проговори за својот љубовен живот во ново видео објавено на Јутјуб. Осумнаесетгодишната голферка и идна студентка на Универзитетот во Мајами одговараше на прашања од следбениците, а едно од нив беше дали моментално е во врска, пренесе „Хелоу магазин“.

На прашањето „Дали си слободна?“, Каи, ќерка на Доналд Трамп помладиот и неговата поранешна сопруга Ванеса Трамп, одговори:

„Во моментов се допишувам со еден дечко, можеби ќе одиме заедно на матура. Така што… па… не баш… разбирате.“

Каи е матурантка која на есен 2026 година треба да започне студии. Во неодамнешно гостување во поткастот „Импаулсив“ зборуваше за предизвиците со кои се соочува, меѓу кои и излегувањата со постојана придружба од агенти на Тајната служба.

„Искрено, малку е непријатно кога си на состанок, а тие седат два стола зад тебе. Малку е чудно“, призна таа. „Но се обидувам да го игнорирам тоа. Мислам дека, особено во последната година, научив да прифатам дека се тука, но истовремено да се однесувам како да ги нема.“

Иако нејзиниот живот се промени кога нејзиниот дедо во 2025 година повторно стана претседател, Каи истакна дека нејзините родители се труделе децата да останат приземјени.

„Мама ни дозволуваше да имаме свое мислење, многу е слична на мене, мирна е, опуштена и секогаш подготвена да слуша други“, рече таа. „Тато, секако, го сакам, но тој постојано е активен на интернет. Родителите секогаш ни дозволуваа да имаме сопствено мислење. Ништо не ни беше наметнато. Јас едноставно сум внука на претседател.“

Кога не снима видеа за Јутјуб, Каи е посветена на голфот и треба да се приклучи на голферскиот тим на Универзитетот во Мајами. Нејзините спортски планови привремено беа прекинати во јануари, кога поради повреда мораше на операција на зглобот.

„Денес оперирав лев зглоб поради повреда на стабилизациските структури и оштетување на фиброкартилагинозниот комплекс“, напиша таа тогаш на социјалните мрежи. „Операцијата успешно ја изведе д-р Томас Греам. Се радувам на закрепнувањето во следните месеци и едвај чекам повторно да играм голф без болка.“