ВИДЕО | Вин Дизел со емотивен говор за Пол Вокер ги расплака сите во Кан
Актерот Вин Дизел за време на специјалната проекција на филмот „Брзи и бесни“ во Кан, со која беше одбележана 25-годишнината од почетокот на франшизата, не можеше да ги сопре солзите додека зборуваше за својот прерано починат пријател и колега Пол Вокер, пренесува „Ндтв“.
Препорачано
Доцната проекција во Палатата привлече огромна толпа луѓе, а фановите се собраа пред театарот „Гранд Лумиер“. За разлика од вообичаените настани на црвениот тепих во Кан, од гостите беше побарано да го почитуваат кодексот на облекување „casual chic“.
Вин Дизел пристигна во специјална јакна со натпис „Fast Forever“ (Засекогаш брзи) испишан со кристали. Премиерата на следниот филм од франшизата, со истоимениот наслов „Fast Forever“, е закажан за 17 март 2028 година.
At a special midnight screening of “The Fast and the Furious” at Cannes, Vin Diesel took the mic from the middle of the sold-out theatre and showed some love to Cannes director Thierry Frémaux and the Fast Family ❤️@Festival_Cannes | @TheFastSaga pic.twitter.com/99jXosiaAK
— Screen Off Script (@ScreenOffScript) May 14, 2026
На настанот присуствуваа и актерките Џордана Брустер и Мишел Родригез, продуцентот Нил Х. Мориц, претседателката на Universal, Дона Ленгли, како и Медоу Вокер.
Дизел зборуваше за својата долгогодишна поврзаност со Кан и сподели спомени од почетоците на неговата кариера. Тој со многу емоции говореше за Пол Вокер, кој почина во 2013 година на 40-годишна возраст.
🥲 Vin Diesel en larmes après la projection de Fast and Furious à Cannes pour les 25 ans du film. L’acteur évoque son ami Paul Walker disparu en 2013#cannes2026 #festivaldecannes #vindiesel pic.twitter.com/6mpFPZcN7w
— Ethan Daudel (@EthanDaudel) May 14, 2026
Проекцијата заврши со многу солзи кај публиката, која по завршувањето на филмот ја награди екипата со стоечки овации. Заблагодарувајќи им се на фановите за лојалноста, Дизел додаде:
„Сакам само да знаете, вие сте единствената причина поради која го снимаме финалето на ’Брзи и бесни‘ за 2028 година. Сакаме да ве направиме горди“.
Оригиналниот филм „Брзи и бесни“, објавен во 2001 година, го претстави Вин Дизел како Доминик Торето и Пол Вокер како Брајан О’Конер. Акционата сага оттогаш прерасна во една од најголемите холивудски франшизи, заработувајќи над 7 милијарди долари ширум светот.
