Пејачката Тејлор Свифт донираше 100.000 долари за лекување на двегодишната Лајла, на која ѝ е дијагностициран рак во четврта фаза. Донацијата следуваше откако на социјалните мрежи стана вирално видео во кое Лајла гледа музичко видео од Тејлор.

Имено, додека го гледала спотот, Лајла извикала: „Тоа е мојата пријателка!“

Донацијата беше уплатена преку страницата „GoFundMe“, отворена за Лајла и нејзиното семејство. Свифт заедно со донацијата испрати и трогателна порака:
„Испраќам голема прегратка до мојата пријателка Лајла! Со љубов, Тејлор“

@standwithlilah I didn’t know they were friends 😂 @Taylor Swift @Taylor Nation #fateofopheliataylorswift #TLOASG #taylorswift ♬ original sound – The Smoots

Лајла на само 18 месеци добила дијагноза за агресивна форма на рак на мозокот, откако доживеала напад. Досега ѝ е извршена операција за отстранување на туморот, а нејзиниот терапевтски процес вклучува хемотерапија, зрачење со протони и лекување со матични клетки.